शिक्षा विधेयक मस्यौदामाथि छलफल, वीरेन्द्रनगरमा आन्दोलन परिचालक समिति गठन

सुर्खेत । प्याब्सन केन्द्रको आयोजनामा शिक्षा विधेयक मस्यौदामाथि छलफल गर्न बुधबार वीरेन्द्रनगरमा नगरस्तरीय कार्यक्रम सम्पन्न भएको छ।

केन्द्र, प्रदेश र जिल्ला स्तरका पदाधिकारीको उपस्थितिमा सम्पन्न कार्यक्रममा आन्दोलन परिचालक समिति गठन गरिएको छ। बैठकले प्याब्सन वीरेन्द्रनगरका अध्यक्ष पूर्णबहादुर भण्डारीलाई संयोजक रहने गरी समिति गठन गर्ने निर्णय गरेको हो। उक्त समितिमा वीरेन्द्रनगर अन्तर्गतका सम्पूर्ण विद्यालयका संस्थापक सदस्य रहनेछन्।

बैठकलाई सम्बोधन गर्ने वक्ताहरुले शिक्षा विधेयकको मस्यौदासम्बन्धी विभिन्न धारणा प्रस्तुत गर्दै निजी क्षेत्रको पक्षमा संस्थागत आन्दोलनलाई एकताबद्ध रुपमा अघि बढाउनुपर्ने आवश्यकता औंल्याएका थिए।

कार्यक्रममा केन्द्र, प्रदेश, जिल्ला स्तरीय पदाधिकारी, विद्यालयका संस्थापक तथा प्राचार्यहरुको उपस्थितिका साथै सहभागिता उल्लेख्य रहेको थियो।

यसअघि पनि सरकारले ल्याएकाे शिक्षा विधेयकप्रति अापत्ति जनाउदै प्याब्सन नेपाल सुर्खेतले कर्णाली प्रदेश सरकार सामाजिक विकास मन्त्रायलयमा ज्ञापन पत्र बुझाएकाे थियाे । तर मन्त्रालयबाट कुनै पनि प्रतिकृया नअाएपछि आन्दोलन परिचालक समिति गठन गरेकाे हाे ।