आफ्नै घरको बाकसभित्र १३ वर्षीय बालक मृत फेला

  स्याङ्जा – वालिङ नगरपालिका–५ द्वारभञ्ज्याङका १३ वर्षीय निशान थापा आफ्नै घरको बाकसभित्र मृत फेला परेका छन्। सरस्वती आधारभूत विद्यालय मिनाङकोटमा कक्षा ८ मा अध्ययनरत थापा आइतबार परीक्षा सकेर घर फर्किएका थिए।

घटनाको समयमा घरमा उनकी बहिनी मात्र थिइन् भने आमा छिमेकीको मेलामा गएकी थिइन्। मेलाबाट फर्किएपछि आमाले छोराको खोजी गर्ने क्रममा आटीमा राखिएको बाकसभित्र उनको शव भेटिएको हो।

प्रहरी नायव उपरीक्षक प्रशन्नराज चौधरीका अनुसार घटनाबारे सुक्ष्म अनुसन्धान भइरहेको छ। शवलाई प्रारम्भिक रुपमा गह्रौं प्राथमिक स्वास्थ्य केन्द्र वालिङमा राखिएको छ भने विशेषज्ञद्वारा परीक्षणका लागि पोखरा पठाउने तयारी भइरहेको प्रहरीले जनाएको छ।

हाल घटनास्थल प्रहरीको निगरानीमा राखिएको छ र विस्तृत अनुसन्धान जारी छ।