बासी बदाम पनि फाइदाजनक ! जान्नुहोस् ८ कारण

साउन २५ – बदामलाई स्वास्थ्यका लागि अत्यन्त लाभदायक मानिन्छ । पोषणले भरिपूर्ण यस फलफुलमा फाइबर, प्रोटिन, भिटामिन ई, स्वस्थ बोसो, म्याग्नेसियम, म्यांगनीज, भिटामिन बी२, फस्फोरस र कपर पाइन्छ, जसले मस्तिष्क, मांसपेशी, पेट र मुटुको स्वास्थ्यमा सकारात्मक असर पुर्‍याउँछ । स्वास्थ्य विज्ञका अनुसार, बिहान बासी मुखले बदाम खानु अझ प्रभावकारी हुन्छ, किनकि यस समयमा मुखभित्र रहेका लाभदायक ब्याक्टेरियाले पाचन र पोषण अवशोषणमा मद्दत गर्छन्।

विभिन्न वैज्ञानिक अध्ययनले बासी बदाम खानाले पुराना रोगको जोखिम कम गर्ने, छाला र कपालको स्वास्थ्य सुधार गर्ने, मधुमेह नियन्त्रणमा सहयोग पुर्‍याउने र मुटु स्वस्थ राख्ने प्रमाणित गरेका छन् । बदाममा पाइने एन्टिअक्सिडेन्टले अक्सिडेटिभ तनाव घटाउँछ, जसले कोशिकाको क्षति रोक्दै रोग प्रतिरोधात्मक क्षमता बढाउँछ ।

यसका साथै, म्याग्नेसियमको उपस्थितिले उच्च रक्तचाप नियन्त्रणमा सहयोग पुर्‍याउँछ भने फाइबर र प्रोटिनको कारण लामो समय पेट भरिएको महसुस गराउँछ, जसले भोक र तौल दुवै नियन्त्रण गर्न मद्दत पुर्‍याउँछ । खराब (LDL) कोलेस्ट्रोल घटाउने गुणका कारण यसलाई मुटुका लागि विशेष लाभदायक स्न्याक्स मानिन्छ ।

विशेषज्ञहरूले दैनिक २०–३० ग्राम बदाम सेवन गर्न सुझाव दिएका छन् । नियमित रूपमा बिहान बासी मुखले बदाम खानाले स्वास्थ्यलाई दिगो लाभ पुग्ने बताइएको छ।