सिन्धुलीमा एकै परिवारका १६ जना बेपत्ता, घरमा घरेलु जनावर मात्र भेटिए

सिन्धुली — सिन्धुलीको गोलन्जोर गाउँपालिका–६ स्थित छेत्पा नजिकको भण्डास बिप्पर कटेरी  स्थानमा बसोबास गर्दै आएका एकै परिवारका १६ जना बेपत्ता भएका छन्।

उर्मिला हायुको परिवारका सबै सदस्यहरू सोमबार बिहानदेखि सम्पर्कविहीन भएपछि स्थानीयले जिल्ला प्रहरी कार्यालय सिन्धुलीमा खबर गरेका थिए। सोही सूचनाका आधारमा प्रहरीको टोली खोजीकार्यमा खटिएको छ।

प्रहरीका अनुसार हायुको घरमा सामान्य क्षति देखिएको छ भने घरमा पालेका कुखुरा, बाख्रा र भैंसीहरू अलपत्र अवस्थामा भेटिएका छन्।

बेपत्ता परिवारको खोजी कार्य तीव्र पारिएको प्रहरीले जनाएको छ। हालसम्म परिवारका कुनै सदस्यको अत्तोपत्तो लागेको छैन।

स्थानीयबासी घटनाप्रति अचम्मित छन् भने सम्भावित अपहरण वा अन्य आपराधिक गतिविधिको आशंका पनि गरिँदैछ। प्रहरीले अनुसन्धानका सबै सम्भावित कोणबाट काम अघि बढाएको जनाएको छ।