• साउन १२, २०८२
  • No Comment
  • 35

दाङमा सर्पले डसेर प्रधानाध्यापकको मृत्यु

दाङको राजपुर गाउँपालिका–३ खरदरियामा सर्पको टोकाइबाट एक जनाको मृत्यु भएको छ । मृत्यु हुनेमा ५५ वर्षीय शालिकराम यादव रहेका छन् । जिल्ला प्रहरी कार्यालय दाङका सूचना अधिकारी प्रहरी नायब उपरीक्षक चक्रबहादुर शाहका अनुसार यादवलाई आज बिहान घरभित्रै सर्पले डसेको थियो । सर्पदंशपछि गम्भीर अवस्थामा रहेका उनलाई तत्काल राप्ती स्वास्थ्य विज्ञान प्रतिष्ठान, घोराही पुर्‍याइएको थियो। तर उपचारको क्रममा आजै उनको निधन भएको प्रहरीले जनाएको छ ।

स्व. यादव शङ्कर माध्यमिक विद्यालय, खरदरियाका प्रधानाध्यापक थिए। लामो समयदेखि शिक्षण पेशामा आबद्ध रहेका यादवको निधनले विद्यालय परिवारमा शोक छाएको छ । स्थानीय बासिन्दाका अनुसार उनी समर्पित शिक्षक तथा समाजसेवीको रूपमा चिनिन्थे । प्रहरी र स्थानीयबासीले सर्पको पहिचान खुल्न नसकेको जनाएका छन् । गर्मीयाममा सर्पदंशका घटना बढ्ने गरेकाले सतर्कता अपनाउन चिकित्सकहरूले आग्रह गरेका छन् ।

सम्बन्धित खबर

दाङमा ‘ब्याक’ भएको गाडीले किच्दा २१ वर्षिय युवकको मृत्यु

दाङमा ‘ब्याक’ भएको गाडीले किच्दा २१ वर्षिय युवकको मृत्यु

लमही नगरपालिका–५ सुनखोलीका २१ वर्षीय राजेशकुमार बानियाँको आज बिहान गाडीले किचेर मृत्यु भएको जिल्ला प्रहरी कार्यालय दाङले जानकारी दिएकाे छ।आफ्नै घर…

Leave a Reply

Your email address will not be published. Required fields are marked *