दाङमा ‘ब्याक’ भएको गाडीले किच्दा २१ वर्षिय युवकको मृत्यु

लमही नगरपालिका–५ सुनखोलीका २१ वर्षीय राजेशकुमार बानियाँको आज बिहान गाडीले किचेर मृत्यु भएको जिल्ला प्रहरी कार्यालय दाङले जानकारी दिएकाे छ।आफ्नै घर अगाडि रोकिराखिएको लु ३ च ४८१४ नम्बरको पिकअप बोलेरोको टायरमा राखिएको टेको हटाउने क्रममा गाडी ‘ब्याक’ भएको गाडीले किच्दा बानियाँ गम्भीर घाइते भएका थिए। उनलाई तत्काल लमही अस्पताल पुर्याए पनि उपचारका क्रममा चिकित्सकले मृत घोषणा गरेका हुन्। घटनाको थप अनुसन्धान भइरहेको प्रहरीले जनाएको छ।