विक्रम कुमाल वाइसीएल सुर्खेतको नयाँ इन्चार्जमा नियुक्त

सुर्खेत। योङ कम्युनिस्ट लिग (वाइसीएल) को सुर्खेत जिल्ला इन्चार्जमा विक्रम कुमाल नियुक्त भएका छन्। वाइसीएल केन्द्रीय समितिको हालै सम्पन्न बैठकले उनलाई जिल्लाको इन्चार्जको जिम्मेवारी दिएको हो।

वाइसीएल केन्द्रीय सचिव विकास वलीले कुमाललाई औपचारिक रूपमा जिम्मेवारी दिइएको जानकारी दिए। उनका अनुसार, वाइसीएलको जिल्ला इन्चार्ज पद सम्मेलनपछि रिक्त रहेकोमा कुमाललाई नयाँ नेतृत्वका रूपमा चयन गरिएको हो।

इन्चार्जको जिम्मेवारी सम्हालेपछि कुमालले प्रतिक्रिया दिंदै संगठनलाई नयाँ ढंगले अघि बढाउने प्रतिबद्धता व्यक्त गरे। “अब वाइसीएल सुर्खेतलाई अझ मजबुत र व्यवस्थित बनाउँदै युवाहरूको अधिकार र विकासमा केन्द्रित हुनेछु,” उनले भने। साथै उनले समग्र सुर्खेती युवाको हकहितका लागि आफू दिलोज्यानले लाग्ने बताए।

विक्रम कुमाल यसअघि वाइसीएल सुर्खेतको अध्यक्षको भूमिकामा समेत रहेर संगठनलाई सशक्त बनाउँदै आएका थिए।