हुम्लामा ट्याक्टर दुर्घटना, एक युवकको मृत्यु, १४ जना घाइते

हुम्लाको खार्पुनाथ गाउँपालिकामा आज भएको ट्याक्टर दुर्घटनामा एक जनाको घटनास्थलमै मृत्यु भएको छ भने १४ जना घाइते भएका छन् । दुर्घटनामा ज्यान गुमाउने व्यक्ति खार्पुनाथ गाउँपालिका–७ का २० वर्षीय मिलन बोहरा रहेको पुष्टि भएको छ । दुर्घटना स्थानीय कच्ची सडकमा ट्याक्टर अनियन्त्रित भइ पल्टिँदा भएको हो  ।

घाइतेमध्ये केहीको अवस्था गम्भीर रहेको जनाइएको छ। उनीहरूलाई उपचारका लागि नजिकको स्वास्थ्य संस्थामा लगिएको छ भने गम्भीर घाइतेलाई जिल्ला अस्पताल लैजाने तयारी भइरहेको स्रोतले जनाएको छ।घटनाबारे थप अनुसन्धान भइरहेको जिल्ला प्रहरी कार्यालय हुम्लाले जनाएको छ। सामाजिक सन्देश:
यो दुःखद खबर सकेसम्म धेरै सेयर गरी सम्बन्धित निकायको ध्यानाकर्षण गरौं । सडक सुरक्षा र नियमित सवारी जाँचको व्यवस्था अबको आवश्यकताको विषय बनेको छ।