मुख्यमन्त्री पाण्डे चीन प्रस्थान

 गण्डकी प्रदेशका मुख्यमन्त्री सुरेन्द्रराज पाण्डे सातदिने चीन भ्रमणका लागि सोमबार प्रस्थान गरेका छन् । नेपाल–चीन कूटनीतिक सम्बन्ध स्थापनाको  ७०औं वार्षिकोत्सवको अवसरमा आयोजना हुने विशेष कार्यक्रममा सहभागी हुन मुख्यमन्त्री पाण्डे चीन गएका हुन्। मुख्यमन्त्री पाण्डेले पोखरा अन्तर्राष्ट्रिय विमानस्थलबाट चीनतर्फ यात्रा गरेका छन् । मुख्यमन्त्रीको सचिवालयका अनुसार भ्रमणका क्रममा दुई देशबीचको आपसी सम्बन्ध मजबुत बनाउने विषयमा विभिन्न उच्चस्तरीय भेटवार्ता तथा कार्यक्रमहरूमा सहभागी हुने कार्यक्रम तय भएको छ।