- साउन ५, २०८२
- No Comment
- 64
पाकिस्तानलाई सात विकेटले हराउँदै बंगलादेशको सानदार सुरुवात

घरेलु टोली बंगलादेशले पाकिस्तानविरुद्ध पहिलो टी–२० अन्तर्राष्ट्रिय क्रिकेट खेलमा सात विकेटको सहज जित हासिल गरेको छ । आइतबार मिरपुरमा सम्पन्न खेलमा पाकिस्तानले पहिले ब्याटिङ गर्दै १९.३ ओभरमा मात्र ११० रनमा समेटियो । ओपनर फखर जमानले ३४ बलमा ४ चौका र १ छक्का प्रहार गर्दै सर्वाधिक ४४ रन बनाए। बंगलादेशका बलरहरू प्रभावशाली देखिए
तक्सिन अहमेदले ३ विकेट लिँदा २२ रन खर्चिए भने मुस्ताफिजुर रहमानले २ विकेट लिँदा केवल ६ रन मात्रै दिए। लक्ष्य पछ्याउन उत्रिएको बंगलादेशले १५.३ ओभरमा मात्र तीन विकेटको क्षतिमा ११२ रन जोड्दै सहज जित दर्ता गर्यो। जितको आधार ओपनर प्रभेज हुसेन रहे, जसले ३९ बलमा ३ चौका र ५ छक्का सहित ५६ रनको उत्कृष्ट पारी खेले । यस जितसँगै तीन खेलको टी–२० शृंखलामा बंगलादेशले १–० को अग्रता लिएको छ।