- साउन २, २०८२
- No Comment
- 69
चिङ्गाडमा ट्याक्टर दुर्घटना: चालकको निधन, ३ जना घाइते

चिङ्गाड गाउँपालिका–३ स्थित अवलघुवानी घिन्जुडे भन्ने स्थानमा ढुङ्गा लोड गर्न गएकाे ट्याक्टर दुर्घटनामा परि एक जनाकाे ज्यान गएको छ भने तीन जना घाइते भएका छन्। शुक्रबार बिहान करिब १०:३० बजेको समयमा ट्याक्टर अनियन्त्रित भई झण्डै ५० मिटर तल खसेर दुर्घटनाग्रस्त भएको हो। ट्याक्टरमा चालकसहित ४ जना सवार थिए।
दुर्घटनामा गम्भीर घाइते भएका चालकको उपचारका लागि लैजाँदै गर्दा बाटोमै निधन भएको जिल्ला प्रहरी कार्यालय चिङ्गाडले जनाएको छ। अन्य घाइतेहरुको प्राथमिक उपचार मटेलास्थित स्वास्थ्य चौकीमा भइरहेको छ भने गम्भीर अवस्थामा रहेका दुईजनालाई थप उपचारका लागि प्रदेश अस्पताल कालागाउँ रिफर गर्ने तयारी भइरहेको जनाइएको छ। ट्याक्टरमा सवार एक जना भने सकुशल रहेका छन्। स्थानीय बासिन्दा र सुरक्षाकर्मीको सहयोगमा उद्धार गरिएको थियो। घटनाबारे थप अनुसन्धान भइरहेको प्रहरीले जनाएको छ।