प्रचण्डको चेतावनी: “गम्भीर समीक्षा नगरे देश ठूलो संकटमा जान सक्छ”

नेकपा माओवादी केन्द्रका अध्यक्ष तथा प्रतिनिधिसभामा प्रमुख प्रतिपक्षी दलका नेता पुष्पकमल दाहाल ‘प्रचण्ड’ले देश बहुआयामिक संकटमा फसेको बताएका छन् ।

सोमबार संसदको बैठकमा बोल्दै उनले विस्तृत शान्ति सम्झौताबाट देखिएका सपना पूरा हुन नसकेको भन्दै असन्तुष्टि व्यक्त गरे । लामो संघर्षपछि संविधान निर्माण भयो, तर त्यसबेला जनतासँग गरेका प्रतिबद्धता पूरा गर्न सकिएको छैन,” प्रचण्डले भने, “गम्भीर समीक्षा नगर्ने हो भने देश ठूलो विस्फोटतर्फ जान सक्छ । उनले राजनीतिक प्रणालीमाथि जनताको विश्वास घट्दै गएको, आर्थिक अवस्था जटिल बन्दै गएको, र सामाजिक संरचना असन्तुलनमा परेको उल्लेख गरे । शान्ति प्रक्रियाबाट अघि बढेको देश आज बहुआयामिक संकटको अवस्थाबाट गुज्रिरहेको छ,” प्रचण्डले जोड दिए।