• असार २८, २०८२
  • No Comment
  • 63

  भुटानविरुद्ध नेपालको शानदार जित 

असार २७ — साफ यू–२० महिला च्याम्पियनसिप फुटबल प्रतियोगितामा नेपालले शानदार जितसहित प्रतियोगिताको सुखद् सुरुवात गरेको छ। शुक्रबार ढाकास्थित बसुन्धरा किंग्स एरेनामा सम्पन्न खेलमा नेपालले भुटानलाई ६–१ को फराकिलो अन्तरले पराजित गरेको हो।

नेपालको जितमा पूर्णिमा राईले चार गोल गर्दै चम्किइन् भने सेनु परियारले दुई गोल थपिन्। पहिलो हाफमै ३–० को अग्रता लिएको नेपालले दोस्रो हाफमा थप तीन गोल गरेको थियो। भुटानले खेलको दोस्रो हाफमा एक मात्र सान्त्वना गोल फर्काएको थियो।

यस जितसँगै नेपालले तीन अंक जोडेको छ। त्यही दिन भएको अर्को खेलमा घरेलु टोली बंगलादेशले श्रीलंकामाथि ९–१ को विशाल जित निकाल्दै गोलअन्तरको आधारमा शीर्ष स्थानमा उक्लिएको छ। नेपाल र बंगलादेश दुवैको तीन–तीन अंक भए पनि गोल अन्तरमा बंगलादेश अगाडि रहेको छ।

चार टोली सहभागी प्रतियोगिता डबल राउण्ड रोबिन फर्म्याटमा हुँदैछ, जसअनुसार सबै टोलीले एक अर्काविरुद्ध दुई पटक प्रतिस्पर्धा गर्नेछन्। अन्त्यमा सर्वाधिक अंक जोड्ने टोलीलाई च्याम्पियन घोषित गरिनेछ।

नेपालले अब आइतबार बंगलादेशसँग खेल्ने तालिका रहेको छ।

सम्बन्धित खबर

साँठगाँठको षड्यन्त्र

साँठगाँठको षड्यन्त्र

लेखक – निडर चदारा। अँध्यारो कोठामा दुई छायाँ भेटिन्छन्, जनताको सपना चोर्ने नक्सा कोर्छन्। एक छायाले भन्छ — “सत्ता मेरो हातमा…
भिटामिन बी–१२ को कमीले बढाउँछ नकारात्मक विचार र मानसिक समस्या

भिटामिन बी–१२ को कमीले बढाउँछ नकारात्मक विचार र मानसिक…

शरीरलाई स्वस्थ राख्नका लागि विभिन्न पोषक तत्व आवश्यक हुन्छन्, जसमा भिटामिन बी–१२ महत्त्वपूर्ण मानिन्छ। यसको कमीले शारीरिक मात्र नभई मानसिक स्वास्थ्यमा…
सुर्खेतमा भन्सार छली सामान बरामद

सुर्खेतमा भन्सार छली सामान बरामद

सुर्खेत । जिल्ला प्रहरी कार्यालय सुर्खेतको टोलीले भन्सार छली ल्याइएको ठूलो परिमाणको मोबाइल पार्ट्ससहितका सामान बरामद गरेको छ । शनिबार दिउँसो…

Leave a Reply

Your email address will not be published. Required fields are marked *