विदेश भ्रमणका लागि डलर सीमा ३ हजारमा वृद्धि

 अब विदेश भ्रमणमा जाने नेपालीले अधिकतम ३ हजार अमेरिकी डलरसम्म लैजान सक्ने भएका छन्। नेपाल राष्ट्र बैंकले विदेशी मुद्रा विनिमयको सीमा बढाउने निर्णय गरेको हो। यसअघि नेपाली नागरिकले व्यक्तिगत भ्रमणका लागि अधिकतम २५ सय अमेरिकी डलर लैजान पाउँथे। राष्ट्र बैंकले ५ सय डलर थप गर्दै यो सीमा ३ हजार डलर पुर्‍याएको हो।

गभर्नर प्रा.डा. विश्वनाथ पौडेलले आगामी आर्थिक वर्ष २०८२/०८३ को मौद्रिक नीति सार्वजनिक गर्ने क्रममा सो जानकारी दिएका हुन्। राष्ट्र बैंकका अनुसार विदेशी मुद्रा व्यवस्थापनलाई व्यवस्थित र व्यवहारिक बनाउन यो कदम चालिएको हो।