पाकिस्तानको रक्षा बजेटमा २० प्रतिशत वृद्धि

पाकिस्तानले भारतसँगको बढ्दो तनावका बीच आर्थिक वर्ष २०२५/२६ का लागि रक्षा बजेटमा २० प्रतिशतले वृद्धि गरेको छ। नयाँ बजेटअनुसार रक्षा क्षेत्रका लागि २५ खर्ब ५० अर्ब रुपैयाँ (झन्डै ९ अर्ब डलर) छुट्याइएको छ।

पाकिस्तानका अर्थमन्त्री मुहम्मद औरंगजेबले राष्ट्रिय सभामा १७५ खर्ब ७३ अर्ब रुपैयाँको संघीय बजेट पेश गरेका हुन्। विगत वर्षमा रक्षा क्षेत्रमा २१ खर्ब २२ अर्ब रुपैयाँ विनियोजन गरिएको थियो भने त्यसअघि १८ खर्ब ४ अर्ब रुपैयाँको बजेट रहेको थियो। यसरी, पछिल्लो दुई वर्षमा रक्षा खर्चमा क्रमशः १४.९ र २० प्रतिशतले वृद्धि भएको छ।

रिपोर्टअनुसार, वैदेशिक तथा स्वदेशी ऋणपछि सबैभन्दा धेरै खर्च रक्षा क्षेत्रमा हुने गरेको छ। चालु वर्षको लागि ऋण सेवा तिर्न ८२ खर्ब ७ अर्ब रुपैयाँ छुट्याइएको छ, जुन बजेटको सबैभन्दा ठूलो एकल खर्च हो।

अर्थमन्त्री औरंगजेबले चालु आर्थिक वर्ष (३० जुनसम्म समाप्त हुने) मा ४.२ प्रतिशतको आर्थिक वृद्धि दर हासिल गर्ने लक्ष्य पनि सार्वजनिक गरेका छन्। उनले ऋण र ब्याज सेवा खर्चका लागि छुट्याइएको रकम उल्लेख गर्दै आर्थिक स्थितिको गम्भीरतासमेत औंल्याए।

रक्षा खर्चमा गरिएको वृद्धिले सं