लिभरपुल क्लबको विजय र्‍यालीमा कार घुस्दा ४७ घाइते, दुईको अवस्था गम्भीर

लिभरपुल : लिभरपुल फुटबल क्लबको प्रिमियर लिग उपाधि विजयको उत्सवमा आयोजित र्यालीमाथि एक व्यक्तिले अन्धाधुन्ध कार चलाउँदा ४७ जना घाइते भएका छन्। घाइतेमध्ये एक बालकसहित दुई जनाको अवस्था गम्भीर छ। सोमबार साँझ लिभरपुलको वाटर स्ट्रिटमा हजारौं लिभरपुल क्लबका समर्थकहरू विजय परेडमा सहभागी भइरहेको बेला घटना भएको हो। प्रत्यक्षदर्शीहरूका अनुसार, तीव्र गतिमा आएको खैरो रङको फोर्ड ग्यालेक्सी कार एक्कासी भीडमा पसेको थियो।  कारले चार जनालाई च्यापेको र केही समय उनीहरू गाडीमुनि फसेको बताइएको छ।

लिभरपुल फुटबल क्लब, प्रिमियर लिग र फुटबल समुदायका अन्य सदस्यहरूले पनि घटनाप्रति गहिरो दुःख व्यक्त गर्दै पीडितहरूप्रति सहानुभूति प्रकट गरेका छन्।प्रहरीले घटनाको विस्तृत अनुसन्धान अघि बढाएको छ र आम नागरिकहरूलाई कुनै पनि सूचना वा भिडियो प्रमाणहरू भए उपलब्ध गराउन प्रहरीले आह्वान गरेको छ।