९औँ एसिया गोजुरियो कराते प्रतियोगितामा नेपालले जित्यो तीन स्वर्ण

यो प्रतियोगितामा नेपालबाट रवि शाहीको नेतृत्वमा खेलाडी र रेफ्रीहरूको टोली सहभागी भएको थियो । एनोज महर्जनले सिनियर व्यक्तिगत काता विधामा स्वर्ण पदक जिते । करिना पुरीले सिनियर कुमुते-५५ केजी तौल समूहमा स्वर्ण जितिन् भने मनिषा रानाभाटले ६१ केजीभन्दा माथिको तौल समूहमा स्वर्ण पदक जितेकी छन् ।

खेलाडीहरूजस्तै, रेफ्रीहरूको प्रदर्शन पनि सफल रह्यो । नेपालबाट गएका सबै रेफ्रीहरूले रेफ्री परीक्षा पास गर्न सफल भए । सहभागी रेफ्रीहरूमा करिना पुरी, मनिषा रानाभाट, तिलु राना, सन्दीप थापा र मान बहादुर भर्ताल रहेका छन् ।

प्रतियोगितामा नेपाली टोलीको समर्पण, मेहनत र आत्मविश्वास स्पष्ट देखियो। खेलाडी र रेफ्री दुवैको सफलताले अन्तर्राष्ट्रिय स्तरमा नेपालको कराते खेलको छवि अझ मजबुत बनेको छ।