जाजरकाेटमा ६ के.जी लागुऔषध (अफिम) सहित ३ जना पक्राउ

जाजरकोट। ६ के.जी लागुऔषध (अफिम) सहित ३ जना लाई जाजरकोट प्रहरीले पक्राउ गरेको छ । सोमबार विहान ९ बजे नलगाड नगरपालिका अन्तर्गत  तल्लु बजार देखि बाँके नेपालगञ्ज तर्फ जादैँ गरेको कर्णाली प्रदेश ०२००१ च.११४५ बोलेरो जिप चेकजाच गर्ने क्रममा उनीहरु लाई पक्राउ गरिएको हो ।

जाजरकोट जिल्ला प्रहरी कार्यालयका प्रहरी निरिक्षक हरि राम डाँगी का अनुसार पक्राउ पर्नेमा चालक नलगाड नगरपालिका- १० निवासी २३ वर्षीय हरि बाँनिया, वडा नम्बर ९ निवासी २३ वर्षीय सुरेश सिंह र सोही वडाका ३० वर्षीय दिपक सिंह रहेका छन ।

उनीहरुको साथ बाट ६ के .जी लागुऔषध (अफिम) जस्तो देखिने अर्धठोस पदार्थ र नगद रु २५०० हजार बरामद गरिएको निरिक्षक डाँगीले बताएका छन ।
पक्राउ गरी आवश्यक अनुसन्धान गरिरहेको प्रहरीले जनाएको छ ।