लागुऔषध सहित सुर्खेतमा १ जना पक्राउ

सुर्खेत। लागु औषध (ब्राउनसुगर)  सहित १ जनालाई सुर्खेत प्रहरीले पक्राउ गरेको छ । वीरेन्द्रनगर नगरपालिका ७ कटुवा स्थित शनिबार सुर्खेतदेखि दैलेख तर्फ जाँदै गरेको लु ६७ प ६५५८ नम्बरको मोटरसाइकल सवारलाई चेकजाँच गर्ने क्रममा सुर्खेत प्रहरीले पक्राउ गरेको हो । जिल्ला प्रहरी कार्यालयका प्रहरी नायव उपरिक्षक बिरेन्द्र वीर विश्वकर्माका अनुसार पक्राउ पर्नेमा बाँके जिल्ला नेपालगंज उपमहानगरपालिका वडा नम्बर १८ का २० वर्षीय अनिस नेपाली रहेका छन ।
खानतलासी गर्दा नेपालीको साथबाट सुद्ध ०.१९० मिलिग्राम लागु औषध (ब्राउनसुगर) फेला परेको विश्वकर्माले बताएका छन । साथै उनलाई पक्राउ गरी आवश्यक अनुसन्धान भइरहेको प्रहरीले जनाएको छ ।