चौकुने गाउँपालिका ८ गुटुमा जलवायु परिवर्तन जोखिम ब्यवस्थापन सम्बन्धि अभिमुखीकरण कार्यक्रम सम्पन्न

सुर्खेत। सुर्खेतको चौकुने गाउँपालिका वडा न ८ को सभाहलमा जलवायु परिवर्तन जोखिम ब्यवस्थापन सम्बन्धि अभिमुखीकरण सम्बन्धि दुई दिने तालिम सम्पन्न भएको छ । चौकुने गाउँपालिकामा अष्ट्रेलियन एडको आर्थिक सहयोग र (LWF ) को प्राबिधिक सहयोग र समाज जागरण स्याक नेपालद्वरा संचालित ( seemple) सिमान्तकृत समुदायका लागि आर्थिक सामाजिक सशक्तीकरण परियोजना अन्तरगत २ दिने बैशाख ५/६ गतेसम्म जलवायु परिवर्तन सम्बन्धि अभिमुखीकरण कार्यक्रम मा चौकुने गाउँपालिकामा रहेको कर्णाली जागरण केन्द्रका श्री जयन्ती दर्लामीको अध्यक्षयतामा संचालन भएको छ ।

तालिमले जलवायु परिवर्तन अनुकुलन, विपद जोखिम न्युनिकरण, बायो–ईन्जिनियरिङ र मुलाधार÷जलाधार व्यवस्थापनका विषयमा स्थानीय तहलाइ आबश्यक पर्ने जनशक्ति उत्पादन गर्न मद्दत गर्ने अपाङ्गता सचेतना केन्द्र चौकुने का अध्यक्ष दिपक गौतमले भनाइ राखेका थिए ।

चौकुने गाउँपालिका ८ स्थित सभाहलमा आयोजना गरीएको उक्त दुइ दिने जलवायु परिवर्तन जोखिम ब्यवस्थापन सम्बन्धि अभिमुखीकरण तालिममा प्रशिक्षक त्रिभुवन बि सीले सहजीकरण गर्नु भएको थियो । साथै उक्त परियोजनाले परियोजना सञ्चालित भएका सिमान्कृत समुदायका सदस्य हरुलाई दुइ दिनसम्म प्रकोप जोखिम न्यूनीकरण र जलवायु परिवर्तन सम्बन्धी तालिम दिने स्याक नेपालद्वरा संचालित सिम्पल परियोजनाका संयोजक गणेश बि क ले जानकारी दिनुभएको छ ।