गर्मीमा मेवा सेवन गर्दा स्वास्थ्यमा चमत्कारी फाइदा 

काठमाडौँ । गर्मी मौसममा विभिन्न प्रकारका फलफूलको स्वाद लिने चलन बढेको छ, तर यिनै फलफूलमध्ये मेवा विशेष रूपमा स्वास्थ्यका लागि लाभदायक मानिन्छ। स्वास्थ्य विज्ञहरूका अनुसार मेवाको सेवनले शरीरमा रहेका अनेकन रोगहरू हटाउन सहयोग पुग्ने देखिएको छ।

मेवामा प्रशस्त मात्रामा पाइने एन्टिअक्सिडेन्ट, भिटामिन सी लगायतका पोषक तत्वहरूले शरीरलाई फ्रेस राख्नुका साथै रोगसँग लड्ने क्षमता बढाउँछ। आयुर्वेदिक चिकित्सकहरूका अनुसार मेवाको नियमित सेवनले पेटको समस्या, कब्जियत, ग्यास र अपचको समाधान गर्न सकिन्छ।

विशेषगरी, बिहान खाली पेटमा मेवा सेवन गर्नु अझै लाभदायक मानिन्छ। यसले शरीरभित्र रहेका विषाक्त पदार्थहरू बाहिर निकाल्न सहयोग पुर्‍याउँछ र पाचन प्रणालीलाई सन्तुलित बनाउँछ। साथै, मुटु सम्बन्धी रोग, उच्च कोलेस्ट्रोल र मोटोपन जस्ता समस्यामा पनि मेवाले चमत्कारी सुधार ल्याउन सक्ने बताइएको छ।

स्वास्थ्य विशेषज्ञहरू भन्छन्, “मेवा जुनसुकै समयमा खान सकिन्छ तर बिहान खाली पेटमा सेवन गर्दा यसको पोषकतत्वहरू शरीरले राम्ररी आत्मसात गर्छ।” त्यसैले, दिनको राम्रो सुरुवातको लागि मेवाको सेवन एक उत्तम विकल्प हुनसक्छ।

गर्मी मौसममा स्वादिलो र पोषिलो फलको रूपमा मेवा रोज्दा स्वाद मात्र होइन, स्वास्थ्यमा समेत ठूलो फाइदा लिन सकिने देखिन्छ।