चौकुने गाउँपालिका वडा नः ६काे वडा कार्यलयमा जनप्रतिनिधिहरुलाई १ दिने औलोरोग अभिमुखिकरण कार्यक्रम सम्पन्न

सुर्खेत। सुर्खेतको चौकुने गाउँपालिकामा सामुदाय स्तरीय औलोरोग सम्बन्धि जनप्रतिनिधि तथा बुद्धिजीवी अभिभावकलाई एक दिने अभिमुखिकरण कार्यक्रम सम्पन्न भएको छ । चौकुने गाउँपालिका स्वास्थ्य शाखा गुटुको आयोजनामा वडा न ६ को वडा कार्यलय झकमके गुटुमा कार्यक्रम गरिएको हो ।

चौकुने गाउँपालिकाको विभिन्न ठाउँमा औलोरोगको समस्या बढी देखिन सक्ने भन्दै त्यसबाट बच्नको लागी कार्यक्रमको आयोजना गरिएको ग्रामीण मलेरिया कार्यकर्ता सन्तोष सुनारले जानकारी दिनु भएको छ । समुदाय स्तरीय औलोरोग अभिमुखिकरण कार्यक्रममा चौकुने गाउँपालिका स्वास्थ्य शाखा सिअनमी दिपा खत्रीले औलोरोगको बारेमा जानकारी गराउनुका साथै यो रोग लाग्नुका कारण, सर्ने तरिका, जिवनचक्र, लक्षण/चिन्ह, औलोरोगको अवस्था, उपचार विधि, र नियन्त्रण गर्ने उपाए लगाएतको बारेमा जानकारी गराउनु भएको थियो । चौकुने गाउँपालिका वडा न ६ का वडा अध्यक्ष गोबिन्द थापाको अध्यक्षतामा कार्यक्रम सम्पन्न भएको हो ।

कार्यक्रममा चौकुने गाउँपालिका विपद् ब्यबस्थापन शाखा प्रमुख पदमराज शर्मा वडा सदस्य प्रमन सिहं मास्की ,महिला वडा सदस्य खैरी दमाई ,नेपाल राष्ट्रिय आधारभुत बिध्यालय साल्म धारापानी प्र अ बसन्ता उपाध्याय ,जीवनज्योति मा बि बिध्यालय ब्यबस्थापन समिति अध्यक्ष रामलाल बयक लगायतको सहभागिता रहेको थियो भने कार्यक्रम संचालन बिरेन्द्र बयकले गर्नु भएको थियो ।