गाजरकाे नियमित सेवनले स्वास्थ्यमा ल्याउने चमत्कारी फाइदाहरू

काठमाडौँ । शरीरलाई स्वस्थ राख्न सन्तुलित आहारको आवश्यकता पर्छ। त्यस्तै, गाजरलाई पोषक तत्वहरूको खानी मानिन्छ। प्रोटिन, भिटामिन र मिनरल्सले भरिपूर्ण गाजरले शरीरका विभिन्न अंगहरूमा सकारात्मक असर पुर्‍याउने अनुसन्धानहरूले देखाएका छन्। गाजरको महत्व जनाउन हिजो, अप्रिल ४ मा, विश्वभर ‘अन्तर्राष्ट्रिय गाजर दिवस’ मनाइयो।

 सन् २००३ मा सुरु भएको गाजर दिवसको सुरुवात गाजरप्रतिको जनचेतना फैलाउने उद्देश्यले गरिएको थियो। सुरुमा फ्रान्स, इटाली, स्वीडेन, अस्ट्रेलिया, बेलायत, अमेरिका र जापानमा मनाइए पनि सन् २०१२ देखि यसलाई ‘अन्तर्राष्ट्रिय गाजर दिवस’को रूपमा मनाउन थालिएको हो। विभिन्न देशमा यो अवसरमा गाजर पार्टीहरू समेत आयोजना गरिन्छन्।

विशेषज्ञहरूका अनुसार गाजर नियमित सेवन गर्दा निम्न फाइदाहरू प्राप्त हुन्छन्:

 आँखाको स्वास्थ्यमा सुधार – गाजरमा पाइने भिटामिन ए, बिटा क्यारोटिन, ल्युटिन र जेक्सान्थिनले आँखाको दृष्टि सुधार गर्छ र रातो अन्धोपनबाट जोगाउँछ।

 पाचन प्रणाली सुदृढ – गाजरमा उच्च फाइबर पाइन्छ जसले आन्द्राको चाल सुधार गर्छ र कब्जियतबाट राहत दिन्छ।

 छालाको सौन्दर्यमा वृद्धि – गाजरको सेवनले छालालाई हाइड्रेट राख्न मद्दत गर्छ र कोलाजेन उत्पादनमा टेवा दिन्छ, जसले छालालाई स्वस्थ र चम्किलो बनाउँछ।

 तौल नियन्त्रणमा सहयोगी – फाइबरयुक्त गाजर खाँदा लामो समयसम्म पेट भरिएको महसुस हुन्छ, जसले अनावश्यक खाजाको मात्रा घटाउँछ।

 मौखिक स्वास्थ्य सुधार – गाजरले मुखभित्रको ब्याक्टेरिया हटाउन र दाँत सफा राख्न मद्दत गर्छ। यसले रयालको मात्रा बढाएर मुख स्वच्छ राख्छ।

 मुटुको सुरक्षामा सहायक – गाजरमा पाइने पोटासियमले रक्तचाप सन्तुलनमा राख्न सहयोग गर्छ। साथै, एन्टिअक्सिडेन्टहरूले मुटुलाई स्वस्थ राख्छ।

 शरीर डिटोक्स गर्न प्रभावकारी – गाजरको सेवनले शरीरभित्रका विषाक्त तत्व हटाउन सहयोग गर्छ, जसले शरीरलाई सफा र तन्दुरुस्त राख्छ।

 मस्तिष्क सुदृढ बनाउँछ – गाजरमा रहेको भिटामिन के ले मस्तिष्कको कार्यक्षमता वृद्धि गर्छ र स्मरण शक्ति सुधार गर्न मद्दत पुर्याउँछ।

 अक्सिडेटिभ तनाव घटाउँछ – गाजरमा रहेको बिटा क्यारोटिन र अन्य एन्टिअक्सिडेन्टहरूले शरीरको अक्सिडेटिभ तनाव घटाउँछन्, जसले दीर्घकालीन रोगहरूको जोखिम कम गर्छ।

गाजर सजिलै पाइने, सस्तो र स्वादिलो तर अत्यन्त लाभदायी खाद्य वस्तु हो। सूप, सलाद, अचार वा परिकारका रूपमा समेत सेवन गर्न सकिने गाजरले दैनिक आहारमा थोरै मात्रामा भए पनि समावेश गर्नु स्वास्थ्यका लागि अमूल्य हुनेछ।