लागुऔषधसहित सुर्खेतमा दुई जनालाई पक्राउ

सुर्खेत। जिल्ला प्रहरी कार्यालय सुर्खेतले लागुऔषध ब्राउनसुगरसहित दुई जना पक्राउ गरेको छ । पक्राउ पर्नेमा वीरेन्द्रनगर नगरपालिका ७ बस्ने २८ बर्षिय सुमन मगर र सोही ठाउ बस्ने ४१ बर्षिय बल बहादुर कालुङ रहेको जिल्ला प्रहरी कार्यालय सुर्खेतले जनाएको छ ।

प्रहरीका अनुसार वीरेन्द्रनगर नगरपालीका ९ मा रहेको शुभलक्ष्मी होटलमा लागुऔषधको कारोबार भैरहेको छ, भन्ने गोप्य सुचनाका आधारमा प्रहरी र लागुऔषध नियन्त्रण व्युरोको संयुक्त प्रहरी टोलीले मगर र कालुङलाई लागुऔषध सहित पक्राउ गरेको हो ।

मगर र कालुङलाई शुभलक्ष्मी होटलको कोठा नं १०८ मा संकास्पद अवस्थामा फेलापारी उनीहरुको शरीर तथा घारकोठा खानतलासी गर्दा उनीहरुको साथबाट २.११० – दुइ ग्राम एक सय दश मिलिग्राम लागुऔषध (ब्राउनसुगर) जस्तो देखीने धुलो पदार्थ फेला पारेको जिल्ला प्रहरी कार्यालय सुर्खेतका प्रवक्ता एवम सुचना अधिकारी बिरेन्द्र वीर विश्वकर्माले जानकारी दिए ।

पक्राउ परेका मगर र कालुङलाई नियन्त्रणमा लिई थप आवश्यक अनुसन्धान भईरहेको विश्वकर्माले बताए ।