- चैत्र १३, २०८१
- No Comment
- 12
“पोखराबाट अपहरणमा परेकी अमेरिकी महिला मकवानपुरबाट सुरक्षित उद्धार, नेपाली महिला पक्राउ”

पोखराबाट अपहरणमा परेकी ७० वर्षीया अमेरिकी महिला मकवानपुरबाट सुरक्षित उद्धार गरिन। पोखरामा घुम्न आएका ती महिलालाई एक नेपाली महिला, ३७ वर्षीया सरिता लामा, ले अपहरण गरी मकवानपुरको एक स्थानमा बन्धक बनाएकी थिइन्। सरिता लामा नुवाकोटको बेलकोटगढी नगरपालिका–४ की निवासी हुन्। उनले उक्त अमेरिकी महिलासँग ३ लाख रुपैयाँको फिरौती मागेपछि काठमाडौंस्थित अमेरिकन दूतावासलाई घटनाबारे जानकारी गराइएको थियो।
सूचनाको आधारमा कास्की र मकवानपुर प्रहरीले संयुक्त रूपमा अनुसन्धान थालेको थियो र सरिता लामालाई पक्राउ गरी अमेरिकी महिलालाई सुरक्षित उद्धार गरिएको छ। प्रहरीको छानबिन अनुसार, लामाले अपहरण गरी बन्धक बनाई रकम मागेकी थिइन्। यस घटनामा लामाविरुद्ध अपहरण र शरीर बन्धक बनाउने आरोपमा काठमाडौँ जिल्ला अदालतबाट ७ दिनको म्यादमा अनुसन्धान प्रक्रिया अगाडि बढाइएको छ।