लुम्बिनीलाई पराजित गर्दै एपीएफको जीत

भैरहवा — नेपाल एपीएफ क्लबले प्रधानमन्त्री कप राष्ट्रिय पुरुष एकदिवसीय क्रिकेट प्रतियोगितामा लुम्बिनी प्रदेशलाई ७ विकेटले पराजित गरेको छ।

भैरहवाको एक्ट्राटेक ओभलमा लुम्बिनीले प्रस्तुत गरेको २२४ रनको लक्ष्य एपीएफले ४१.५ ओभरमा तीन विकेट गुमाउँदै पूरा गर्यो।

एपीएफका लागि पूर्ण बिकले अविजित ७२ रनको योगदान गरे भने रोहितले ७१ रन बनाए। लोकेश बम (२१), सन्दीप जोरा (२१*) र आसिफ शेख (१८) ले पनि टोलीलाई  जित दिलाए।

यसअघि, टस जितेर ब्याटिङ गरेको लुम्बिनीले ५० ओभरमा ८ विकेट गुमाएर २२३ रन बनाएको थियो। लुम्बिनीका लागि राजेन्द्र बमले तीन विकेट लिए।

जितसँगै आठ खेलबाट १२ अंक जोडेको एपीएफ तेस्रो स्थानमा यथावत छ भने लुम्बिनी ९ खेलबाट ८ अंकसहित छैठौं स्थानमा रहेको छ।