पूर्वराजा ज्ञानेन्द्र शाहका समर्थकहरूले प्रधानमन्त्री ओलीविरुद्ध नाराबाजी गरे

पूर्वराजा ज्ञानेन्द्र शाहका समर्थकहरूले प्रधानमन्त्री केपी शर्मा ओलीविरुद्ध नाराबाजी गरेका छन् । पोखरा भ्रमणपछि आइतबार अपराह्न शाह काठमाडौं फर्किएका थिए । त्रिभुवन अन्तर्राष्ट्रिय विमानस्थल परिसरमा शाहलाई स्वागत गर्न पुगेका समर्थकहरूले प्रधानमन्त्री ओलीविरुद्ध नारा लगाउँदै विरोध जनाएका छन् ।

समर्थकहरूको नाराबाजीपछि प्रहरीले हस्तक्षेप गर्दै उनीहरूलाई हटाउन प्रयास गरेको थियो ।

पूर्वराजा शाहलाई पोखरामा एक महिना बसेर फर्किएपछि समर्थकहरूले उत्साहजनक स्वागत गर्ने उद्देश्यले विमानस्थलमा जुटेका थिए ।