सुर्खेतको चौकुनेमा महिलालाई आत्मनिर्भर बनाउन ५ दिने अचार बनाउने तालिम संचालन

सुर्खेतको चौकुने गाउँपालिकाको आर्थिक सहयोगमा महिलालाई अचार बनाउने तालिम चौकुने गाउँपालिका का अध्यक्ष खडक बिवस वासपानेद्वरा उद्घाटन गरिएको छ । सीप विकास तथा आय आर्जन तालिम चाैकुने गाँउपालिकाकाे आर्थिक सहयोगमा महिला दिदी वहिनिहरुकाे आय आर्जन वृद्धि तथा सीप विकास गर्नका लागि अचार निर्माण गर्नाका निम्ति ५ दिने कार्यक्रमकाे आयाेजक चाैकुने सिजृनशिल महिला संजाल द्वारा सुरु गरिएकाे छ।

चौकुने गाउँपालिकाका महिलालाई तालिम प्रदान गरेर स्वरोजगार बनाई आत्मनिर्भर बनाउने उद्देश्यसाथ पाँच दिने अचार बनाउने तालिम सञ्चालन गरिएको चौकुने गाउँपालिका अध्यक्ष खडक बिवस वासपानेले जानकारी दिनुभएको छ । मासु, बयर, गाजर, लसुन, अदुवालगायतका सात प्रकारका स्थानीय स्तरमा उत्पादन हुने तथा पाइने वस्तुबाट अचार बनाउनका लागि तालिममा सीप प्रदान गरिने उहाँले बताउनुभयो ।

अन्य वस्तुहरु स्थानीयस्तरमा स्थानीयले आफै उत्पादन गर्ने तथा यस क्षेत्रका वन जङ्गलमा प्रशस्तै पाइने भएको हुँदा खाली समयको उपयोग गर्दै महिलाले अचार बनाउन सकुन् र घरमै बसेर आय आर्जनको माध्यमबाट आर्थिकरुपले पनि आत्मनिर्भर बन्न सकुन् भनेर तालिम सञ्चालन गरिएको अध्यक्ष वासपानेले बताउनुभएको छ । उक्त तालिमबाट महिलाले सिकेका सीपबाट घरमै बसेर खाली समयको उपयोग गर्दै आफै उत्पादन गरेका स्थानीय वस्तुबाट अचार बनाइ बिक्री वितरण गरेर आफ्नो आयस्रोत बढाउने र आफ्नो खुट्टामा आफै उभिने आफूले आशा गरेको वडा न ८ का वडा अध्यक्ष कमल जि सीले बताउनुभयो । तालिममा सीप सिकेपछि पेशा तथा व्यवसाय सञ्चालन गरेर उहाँहरु उद्यमी बन्ने आफूले अपेक्षा लिएको बताउनुभयो ।

उहाँहरुले उत्पादन गरेका अचारको बजारीकरण तथा व्यवस्थापनका लागि आफूहरुले भूमिका खेल्ने र गुणस्तरीय उचार उत्पादन गरेका स्थानीयको अचार बिक्री वितरणमा आफूहरुले सहयोग गर्ने बताउनुभयो । उक्त उद्वघाटन कार्यक्रममा चाैकुने गाउँपालिका उपाध्यक्ष नरबहादुर बान्ताेला , वडा नं ८ का वडा अध्यक्ष कमल बहादुर जि सि वडा नं ७ का वडा अध्यक्ष धनिराम धमाला र ने क पा माओबादि केन्द्र चाैकुने गाउँकमिटीका अध्यक्ष गंगाराम बि क लगायतकाे उपस्थिति रहेकाे थियो ।