सुर्खेतको चौकुनेमा फागुन २१ गते स:शुल्क कान शिविर संचालन हुने

चौकुने गाउँपालिका वडा नम्बर ८ विशाल बजार गुटुमा रहेको पाण्डे मेडिकल हलमा कान सम्बन्धि समस्या भएका बिरामीहरुका लागि एक दिने सःशुल्क शिविर यहि फागुन २१ गते संचालन हुने भएको छ ।

पाण्डे मेडिकल हलको आयोजना तथा नेपालगञ्जस्थित विएन सामुदायिक कान उपचार सेवाको प्राविधिक सहयोगमा शिविर संचालन हुने पाण्डे मेडिकल हलका संचालक गगन सिहं पाण्डेले जानकारी दिनु भएको छ ।

गाउँमै दक्ष चिकित्सकबाट कानको उपचार पाउँदा यहाँका स्थानीय वासीहरुलाई सहज हुने भएकाले स्वास्थ्य शिविर सञ्चालन गरिने बताउनुभएको छ ।

साथै यस शिविरबाट छनौट भएका बिरामीहरुले बि एन सामुदायिक उपचार सेवा र ब्रिनोज यु के को सहकार्यमा बि एन अस्पताल नेपालगञ्जमा २०८१ चैत्र २ गतेदेखि हुने ब्रिटिस डाक्टरद्वरा गरिने अप्रेसन सेवामा सहुलियत दरमा सेवा लिने मौका पाउने संचालन पाण्डेले बताउनु भएको छ ।