चौकुनेमा स्वास्थ्य शिबिर संचालन १६० जना भन्दा बढिले सेवा लिए

सुर्खेतको चौकुने गाउँपालिका वडा नम्बर ७ स्थित श्री सिद्धेश्वरी मा बि सान्नेघारीमा स्वास्थ्य शिबिर संचालन भएको छ । शिबिरमा आज पहिलो दिन १६० जना भन्दा बढीले सेवा लिएका छन् । चौकुनेगाउँपालिका तथा ७ न वडा कार्यालय र शंकर मेडिकल हल नेपालगञ्ज १० बाँकेको संयुक्त सहकार्यमा सिद्धेश्वरी मा बि सान्नेघारीमा स्वास्थ्य शिबिर संचालन भएको हो ।

वडा कार्यालयले शंकर मेडिकल संग गरेको सम्झौता अनुसार फागुन महिनाको १६ र १७ गते स्वास्थ्य बिशेषज्ञ डाक्टर सुभाष योगी र अवधेश कुमार बर्मा सहितको टोलीले स्वास्थ्य शिबिर संचालन गरेको वडा अध्यक्ष धनिराम धमलाले जानकारी दिनु भएको छ । शिबिरमा अधिकांश मुटुरोग ,ब्लड प्रेशर र फोक्सो सम्बन्धि समस्या भएका बिरामीहरु आएका थिए भने ,केही नशा सम्बन्धिका बिमारीहरु पनि आएका चौकुने स्वास्थ्य शाखा प्रमुख ईन्द्र बहादुर जैसुरीले जानकारी दिनु भएको छ ।

आगामी दिनमा पनि शिबिरलाई निरन्तर अगाडि बढाउने र कस्ता किसिमका बिरामीहरु बढी मात्रामा देखिए सोही अनुसार बिशेषज्ञ डाक्टरहरु ल्याएर सेवा संचालन गरिने अध्यक्ष धमलाले बताउनु भएको छ । उहाँले निरन्तर स्वास्थ्य शिबिर संचालनका लागि अन्य अस्पताल तथा सम्बन्धित निकायसंग समेत सहकार्यका लागि कुरा गरि पुनः पनि संचालन गरिने बताउनु भएको छ ।