चौकुनेमा श्रमिकका लागि कार्यस्थलमा आधारित तथा जीवनउपयोगी सीप विकास तालिम शुरु

सुर्खेतको चौकुनेमा “श्रमको सम्मान, राष्टको अभियान ” भन्ने मुल नाराका साथ श्रमिकका लागि कार्यस्थलमा आधारित तथा जीवनउपयोगी सीप विकास सम्बन्धी तालिम शुरु भएको छ । नेपाल सरकारको प्रधानमन्त्री रोजगार कार्यक्रमको युवा रोजगारीका लागि रुपान्तरण पहल परियोजना अन्तर्गत श्रमिकका लागि कार्यस्थलमा आधारित तथा जीवनउपयोगी सीप विकास सम्बन्धी तालिमको आयोजना गरिएको छ ।

प्रधानमन्त्री रोजगार कार्यक्रममा वडा नं. १ देखि १० वटै वडाबाट छनौट भएकासहभागीलाई ईलोक्ट्रोनिक र डकर्मीका लागि ५० दिने जीवन उपयोगी सीप र कार्यस्थलमा आधारित सीप प्रदान गरिनेछ । प्रधानमन्त्री रोजगार कार्यक्रम अन्तर्गत प्राथमिकिकरणको आधारमा वडा/वडाबाट छनौट भएका सुचिकृत वेरोजगारलाई तालिम दिइएको छ । तालिममा सहभागिलाई ४० दिने कार्यस्थल मा आधारित सीप विकास तालिम र जीवन उपयोगी सीप र १० दिने जीवन उपयोगी सीप प्रदान गरिनेछ ।

आज तालिमको शुभारम्भ गर्दै चौकुने गाउँपालिकाका अध्यक्ष खडक बि क बिवसले मानिसको जीवनमा सीप महत्वपूर्ण हुने बताउनु भएको छ । ज्ञान र सीपलाई पैसासंग तुलना गर्न नहुने भन्दै सक्षम र दक्ष बन्नका लागि सीपको विकास गर्न आवश्यक रहेको बताउनु भयो । आफुसंग ज्ञान सीप र दक्षता भए स्वरोजगार र आत्मनिर्भर बन्न सकिने उहाँले बताउनु भएको छ । चौकुने गाउँपालिका प्रमुख प्रशाकिय अधिकृत पुर्ण बहादुर बि कले दक्षता र सीपले मानिसलाई सफल बनाउने भन्दै आर्थिक समृद्धि पनि सीपबाटै सम्भव रहेको बताउनु भएको छ । उहाँले हरेक व्यक्ति सबै विषयमा दक्ष हुन नसक्ने भन्दै सम्बन्धित विषयमा पूर्ण रुपमा दक्ष बन्न आवश्यक रहेको भन्दै तालिममा सिकाएका कुरा इमान्दारिताका साथ सिक्न आग्रह गर्नु भएको छ ।

चौकुने गाउँ पालिका रोजगार संयोजक कमल कृष्ण जैसीले ईलोक्ट्रोनिक र डकर्मी सम्बन्धि र जीवन उपयोगी सीप विकासका लागि तालिमको आयोजना गरिएको बताउनु भयो । यसैगरी कार्यक्रममा भेरि राप्ती प्राविधिक शिक्षालयका सहजकर्ता रमेश घिमिरेले तालिममा सडक मर्मतसंग सम्बन्धित विभिन्न सीप सिकाइने बताउँदै निरन्तर रुपमा सहभागि भई दक्ष बन्न आग्रह गर्नु भएको छ । चौकुने गाउँपालिकाको आयोजना र भेरीराप्ती प्राविधिक शिक्षालय प्रा लि बिरेन्द्रनगर सुर्खेतको सहजीकरणमा ५० दिन सम्म चल्ने तालिम अन्तर्गत ४० दिन सम्म सिप बिकास अन्तर्गत ईलेक्ट्रीकल र डकर्मी तालिम र १० दिन जीवन उपयोगी विषयमा सीप सिकाइनेछ । वडा नं १ देखि १० वडाका ५० जना श्रमीकको सहभागिता रहेको र तालिमको सहजिकरण भेरीराप्ती प्राविधिक शिक्षालयका प्रशिक्षक ले गरेका छन् ।

भेरी राप्ती प्राविधिक शिक्षालयका प्रतिनिधि रमेश कुमार घिमिरेको अध्यक्षतामा पालिकाको सभाहलमा भएको उद्घाटन समारोहमा वडा न ८ का वडा अध्यक्ष कमल जि सी , वडा न ३ का वडा अध्यक्ष गणेश कुमार राना , ५ न वडा अध्यक्ष तुलाराम हिस्की मगर ,वडा न ७ का वडा अध्यक्ष धनिराम धमाला ,वडा न ९ का वडा अध्यक्ष कविराम खनाल को उपस्थित रहेको थियो भने ,उद्घाटन कार्यक्रममा रोजगार शाखा प्रमुख कमल कृष्ण जैसीको स्वागत मन्तब्य रहेको थियो ।