जाजरकोटमा सुख्खा पहिरोमा परि ४ जना घाइते

जाजरकोटमा सुख्खा पहिरोमा परि ४ जना घाइते भएका छन । आइतबार विहान १० बजेको समयमा जाजरकोट नलगाड नगरपालिका वडा नम्बर -१० घ्यारगाउँ स्थित  WFP को आर्थिक सहायतामा खानेपानिको लागि गिट्टी कुट्ने क्रममा एक्कासी सडक माथिबाट सुख्खा आउँदा उक्त पहिरोमा परि ४ चार जना घाइते भएका हुन ।
घाइते हुनेमा नलगार्ड नगरपालिका- १० घ्यारगाउँ की ५० वर्षीया कलधरी नेपाली, ४५ वर्षीया डम्मरी कुमारी बोहोरा, ४५ वर्षीया लाल सरी नेपाली र सोही ठाउँमा बस्ने ३० वर्षीया कमला बि.क रहेको जिल्ला प्रहरी कार्यालय जाजरकाेटका प्रहरी सहायक निरिक्षक राजु प्रसाद चौधरीले जानकारी दिनुभएको छ ।

चौधरीका अनुसार घाइतेहरुलाई  उपचारका लागि नलगार्डको नगर अस्पतालमा पुर्याइएको छ ।