चौकुने गाउँपालिका का प्रमुख प्रशासकीय अधिकृतलाई नेपाल शिक्षक महासंघको ज्ञापनपत्र

 चौकुने गाउँपालिका शिक्षक महासंघ नेपाली शिक्षकहरुको पेसागत साझा संगठन नेपाल शिक्षक महासंघ चौकुनेले ज्ञापनपत्र बुझाएको छ विभिन्न माग सहित नेपाल शिक्षक महासंघ चौकुनेले आज स्थानीय सरकारलाई ज्ञापनपत्र बुझाएको छ ।

नेपाल शिक्षक महासंघ चौकुनेका कार्यसमितिका अध्यक्ष दिनेश प्रसाद जोशी नेतृत्वको टोलीले चौकुने गाउँपालिका प्रमुख प्रशासकीय अधिकृत पुर्ण बहादुर बि क लाई ज्ञापनपत्र बुझाएको छ ।

शैक्षिक क्षेत्रमा देखिएका विविध समस्या र शिक्षक कर्मचारीका पेसागत समस्या समाधानका लागि ज्ञापनपत्र बुझाइएको शिक्षक महासंघ चौकुनेले जनाएको छ । ज्ञापनपत्र बुझ्दै प्रमुख प्रशासकीय अधिकृत पुर्ण बहादुर बि क ले शिक्षक कर्मचारीका मागलाई सम्बोधन गर्न पहल गर्ने प्रतिबद्धता व्यक्त गर्नु भएको छ । उहाँले केन्द्रीय तहमा शिक्षा नियमावली बनेपनि संघीय तहमा शिक्षा कानून, नियमावली बन्न नसक्दा समस्या भएको बताऊनु भयो ।

गाउँपालिका अन्तर्गतका सबै सामुदायिक विद्यालयको निरीक्षणका क्रममा धेरै समस्या आफूलाई अवगत भएको बताउदै अब विद्यालय र अन्य संघसंस्थाको दीगो बिकास र ब्यवस्थापनको मापदण्ड तयार गरिने बताउनु भयो । उहाले विद्यालयमा नीजिश्रोत शिक्षक कर्मचारीको सेवासुविधा आगामी बजेटमा केहीहदसम्म भएपनि सम्बोधन गरिने बिश्वास व्यक्त गर्नु भएको छ नेपाल शिक्षक महासंघले सामुदायिक विद्यालयमा कार्यरत नीजिस्रोत शिक्षक कर्मचारीको यथासिघ्र ब्यवस्थापन गर्नुपर्ने, आवश्यकता अनुसार कक्षागत र विषयगत दरबन्दी सिर्जना गरिनुपर्ने, मासिक रुपमा तलब प्राप्त हुनुपर्ने र समय सापेक्ष तलब बृद्धि हुनुपर्ने, प्रभावकारिताका आधारमा नमूना विद्यालय छनौट र स्वीकृत गरिनुपर्ने, स्थानीय तह चौकुने गाउँपालिकामा यथासक्य शिक्षा समिति गठन गरि स्थानीय शिक्षा तथा कार्यविधि बनाइनुपर्ने, गाउँपालिका अन्तर्गतका सामुदायिक विद्यालयको आवश्यकता पहिचान गरि आगामी आर्थिक बर्षको शिक्षातर्फको बजेट तथा कार्यक्रम बनाइनुपर्ने, प्रचलित नियमानुसार नीजिस्रोत शिक्षकको तलबमान, पोसाक भत्ता, महंगीभत्ता यसै आर्थिक बर्षको बजेटमा ब्यवस्था गरिनुपर्ने, विद्यालय कर्मचारीको सेवा सुविधा निजामती कर्मचारी सरह निर्धारण गरिनुपर्ने, शैक्षिक गुणस्तर वृद्धिका लागि पेसागत कार्यदक्षता अभिवृद्धि तालिम दिईनुपर्ने सबै विद्यालय कर्मचारीको संचिति बिदाको अभिलेखिकरण गरि सुविधा दिनुपर्ने, प्रभावकारिता र औचित्यका आधारमा नमूना विद्यालय छनौट गरिनुपर्ने, स्थानीय शिक्षा शाखामा आवश्यक कर्मचारीको व्यवस्था गरिनुपर्ने लगायतका माग राख्दै आज स्थानीय सरकारलाई ज्ञापनपत्र बुझाईएको छ ।

शिक्षक महासंघले आफ्ना मागहरुलाई गहन रूपले लिन र सम्बोधन गर्न स्थानीय सरकारलाई आग्रह गरेको छ । शिक्षक महासंघ प्रदेश सदस्य धुब्रराज उपाध्यायले शिक्षक कर्मचारीका जायज मागहरु सम्बोधन हुनेमा आशावादी रहेको बताउनु भएको छ ।