पश्चिमी वायुको प्रभाव: देशका पहाडी क्षेत्रमा वर्षा र हिमपातको सम्भावना

हाल देशमा पश्चिमी वायुको सामान्य प्रभाव रहेको छ। मौसम पूर्वानुमान महाशाखाका अनुसार पहाडी क्षेत्रमा आंशिक बदली रहनेछ भने बाँकी भू-भागमा मौसम मुख्यतया सफा रहनेछ। तराईका केही स्थानहरूमा हल्का हुस्सु र कुहिरो लागेको छ।

काेशी प्रदेशका पहाडी क्षेत्रमा एक-दुई स्थानमा हल्का वर्षा हुन सक्ने सम्भावना, उच्च पहाडी तथा हिमाली क्षेत्रमा केही स्थानमा हल्का हिमपातकाे सम्भावना र तरार्इ क्षेत्रमा बिहानपख हुस्सु र कुहिराे लाग्ने सम्भावना रहेकाे महाशाखाले जनाएकाे छ ।

महाशाखाले मौसमको यस अवस्थाले जनजीवन, स्वास्थ्य, सडक र हवाई यातायातमा असर पर्न सक्ने भन्दै सतर्कता अपनाउन आग्रह गरेको छ।

मौसम परिवर्तनको थप जानकारीको लागि महाशाखाले अद्यावधिक सूचना लिइरहन सुझाव दिएको छ।