जाजरकोटमा मोटरसाइकल दुर्घटना हुँदा १ को मृत्यु, १ जना घाइते

जाजरकोटको भेरी नगरपालिका- १ रिगौटा मोड स्थित दल्ली देखि खलंगा तर्फ आउदै गरेको मोटर साइकल दुर्घटना हुँदा एक जनाको मृत्यु भएको छ । भने एक जना घाइते भएका छन ।
शनिबार विहान साढे ९ बजेको समयमा भे ५ ख ३६६० नम्बरको मोटरसाइकल अनियन्त्रित भइ सडकबाट ७ मिटर तल खसेर दुर्घटना भएको हो ।
मृत्यु हुनेमा जाजरकोट भेरी नगरपालिका- २ रिसाङ कि ४० वर्षीय टली वि.क रहेको जिल्ला प्रहरी कार्यलय जाजरकोटका प्रहरी नायव उपरिक्ष पुरुषोत्तम प्रसाद पाण्डेले जानकारी दिए । पाण्डेका अनुसार दुर्घटनामा परेर घाइते हुनेमा सोही जिल्लाको नलगाड नगरपालिका- १ का ३३ वर्षीय भिम बहादुर चदांरा रहेका छन ।

दुर्घटनामा परेका दुवै जनालाई जिल्ला अस्पताल जाजरकोट बाट नेपालगंज नर्सिगंहोममा रिफर गरिएको थियो । उपचारका क्रममा टली वि.क को मृत्यु भएको प्रहरीले जनाएको छ । उनीहरु नाताले फुपु भदै हुन । दुर्घटनामा परेकाे मोटरसाइकल प्रहरीको नियन्त्रणमा रहेको प्रहरी ले बताएको छ ।