जुम्लामा आगो निभाउने क्रममा जलेर १ जनाकाे मृत्यु

जुम्लामा आगो  निभाउन जाँदा एक जनाको जलेर मृत्यु भएको छ । जिल्लाको सिंजा गाउँपालिका–१ जाँच गाउँको रुपाकोट जंगलमा लागेको आगो निभाउन जाँदा ८० वर्षीय भद्र रावलको जलेर मृत्यु भएको हो ।

आइतबार बेलुका करिब ९ बजेतिर लागेको आगो निभाउने क्रममा उनको मृत्यु भएको जिल्ला प्रहरी कार्यालय जुम्लाका प्रहरी नायव उपरीक्षक छदिलाल कामतीले लाईका खबरलाई बताउनु भयो ।

कामतीका अनुसार आफ्‌नै स्याउ बगैंचा भित्र लागेको आगो फैलिएर जंगलसम्म पुगेको थियो ।

आज विहान आगो नियन्त्रणमा आइसकेको प्रहरीले जनाएको छ । भद्रको शव पोष्टमाटम गर्न अहिले कर्णाली स्वास्थ्य विज्ञान प्रतिष्ठानमा ल्याईएको छ ।