• माघ ११, २०८१
  • No Comment
  • 31

यु–१९ महिला विश्वकप क्रिकेट : आज नेपालद्वारा मलेसिया पराजित

आइसीसी यु–१९ महिला विश्वकप क्रिकेट प्रतियोगिताअन्तर्गत आज भएको प्लेअफ खेलमा नेपालले मलेसियालाई पराजित गरेको छ । कप्तान पूजा महतोको उत्कृष्ट खेल प्रदर्शनमा नेपालले मलेसियालाई सात विकेटले हराएको हो ।

मलेसियाको जोहर क्रिकेट एकेडेमी ओभलमा नेपालले टस जितेर पहिला फिल्डिङ राजेको थियो । मलेसियाले १६ दशमलव ५ ओभरमा सबै विकेट गुमाउँदै ४५ रनको योगफल बनायो । छयालिस रनको सामान्य लक्ष्य नेपालले ११ ओभरमा ३ विकेट गुमाएर पूरा गर्‍यो ।

नेपालका लागि कप्तान पूजाले अविजित २३ रनको योगदान दिइन् । उनले ३२ बल खेल्ने क्रममा चार चौका प्रहार गरिन् । यसैगरी, ज्योत्सिन्का मरासिनले सात र सिमाना केसीले अविजित चार रन जोडिन् । बलिङतर्फ मलेसियाका लागि मार्सा क्विस्टिना बिन्टी अब्दुल्लाहले तीन विकेट लिइन् ।

 

यसअघि ब्याटिङ गर्ने क्रममा मलेसियाका लागि नुरिमानले सर्वाधिक १५ रन जोड्नुबाहेक अन्य ब्याटरले दोहोरो अंकमा रन बनाउन सकेनन् ।

बलिङतर्फ नेपालका लागि पूजा महतो एक्लैले चार विकेट लिइन् भने रचना चौधरीले तीन विकेट लिइन् । त्यसैगरी, रिया शर्मा र सिमाना केसीले एक एक विकेट लिए ।

विश्वकपको समूह ‘डी’ मा रहेको नेपाल यसअघि समूह चरणको तीनवटै खेलमा पराजित भएको थियो । नेपालले स्कटल्यान्ड, अस्ट्रेलिया र बङ्गलादेशसँग हार बेहोरेको थियो । यस्तै समूह ‘ए’ मा रहेको मलेसिया पनि समूह चरणमा भारत, श्रीलङ्का र वेस्ट इन्डिजसँग पराजित भएको थियो ।

सम्बन्धित खबर

नेपालले हङकङलाई ३ विकेटले पराजित गर्‍यो

नेपालले हङकङलाई ३ विकेटले पराजित गर्‍यो

नेपालको यू-१९ टोलीले तीन खेलको एकदिवसीय सिरिजअन्तर्गत हङकङलाई ३ विकेटले पराजित गरेको छ। मुलपानीस्थित क्रिकेट मैदानमा हङकङले दिएको ११४ रनको लक्ष्य…
मधेसका मुख्यमन्त्री सिंहलाई ‘महामूर्ख’ को उपाधि प्रदान

मधेसका मुख्यमन्त्री सिंहलाई ‘महामूर्ख’ को उपाधि प्रदान

यस वर्षको ‘महामूर्ख’ उपाधि मधेस प्रदेशका मुख्यमन्त्री सतिशकुमार सिंहलाई प्रदान गरिएको छ। मिथिला नाट्यकला परिषद् (मिनाप) द्वारा होली पर्वको अवसरमा आयोजित…
महोत्तरीमा १० वर्षीया बालिकालाई जबर्जस्ती करणी प्रयासको आरोपमा सशस्त्र प्रहरीका सई पक्राउ

महोत्तरीमा १० वर्षीया बालिकालाई जबर्जस्ती करणी प्रयासको आरोपमा सशस्त्र…

महोत्तरीमा १० वर्षीया बालिकालाई जबर्जस्ती करणी प्रयास गरेको आरोपमा सशस्त्र प्रहरीका सई धर्मेन्द्रसिंह महतो पक्राउ परेका छन्। शुक्रबार बिहान मन्दिरमा पूजा गर्न…

Leave a Reply

Your email address will not be published. Required fields are marked *