नेपाल प्रहरीका पूर्वडीआईजी छविलाल जोशी अदालतमा उपस्थित

नेपाल प्रहरीका पूर्वडीआईजी छविलाल जोशी अदालतमा उपस्थित भएका छन् ।

कालीमाटीस्थित स्वर्णलक्ष्मी सहकारी ठगी प्रकरणमा मुछिएका उनी जिल्ला अदालत कास्कीबाट धरौटीमा रिहा भएको एक सातापछि काठमाडौं अदालतमा हाजिर भएका हुन् ।

उनीविरुद्धको मुद्दा न्यायाधीश ठाकुरप्रसाद खरेलको इजलासमा रहेको छ ।

जोशीविरुद्ध यसअघि कास्की जिल्ला अदालतमा पनि सहकारी ठगी, सङ्गठित अपराध र सम्पत्ति शुद्धिकरणको कसुरमा पनि मुद्दा दायर भएको थियो । कास्की अदालतमा ८८ लाख धरौटी बुझाएर रिहा भएका थिए ।

यही प्रकरणमा राष्ट्रिय स्वतन्त्र पार्टी (रास्वपा)का सभापति रवि लामिछानेविरुद्ध पनि मुद्दा दायर भएको थियो । उनी यसअघि नै धरौटीमा रिहा भइसकेका छन् ।