सामाजिक संजालमा भाइरल अभियान्ता आशिका तामाङ पक्राउ

बिभिन्न स्थानमा हुने अप्रत्यासित गतिबिधीका बिरुद्ध चर्को रुपमा बिरोध गर्दै आईरहेकी सामाजिक संजालमा भाइरल अभियान्ता आशिका तामाङ्ग पक्राउ परेकी छन् । आफूलाई सामाजिक अभियन्ता बताउदै उनले सार्वजनिक स्थानमा लिईने पार्किगं शुल्क, जथाभावी फोहोर गर्नेहरुका बिरुद्ध खरो रुपमा बिरोध गर्ने गरेकी थिईन ।

सार्वजनिक स्थानमा पिसाव गर्दै गरेको भिडियो खिचेर माफी मगाउने र जथाभावी फोहोर गर्नेलाई फोहोर टिप्न लगाएका भिडियोहरु सामाजिक संजालमा भाईरल बनेका छन ।

जिल्ला प्रहरी परिसर काठमाडौंका प्रवक्ता एवम् एसपी नवराज अधिकारीले अभद्र व्यवहार मुद्दामा आशिकालाई पक्राउ गरिएको जानकारी दिनुभयो । जिल्ला प्रशासन कार्यालय काठमाडौंबाट अभद्र व्यवहार मुद्दाको शिलशिलामा जारी गरिएको पक्राउ पुर्जीका आधारमा पक्राउ गरेर हिरासतमा लिएकोे प्रहरीले जनाएको छ ।

अहिले उनलाई महानगरीय प्रहरी बृत्त गौशालामा लगिएको छ । तामाङलाई मुलुकी फौजदारी संहिताअनुसार पक्राउ गरेर कारबाही अघि बढाइएको प्रहरीले जनाएको छ ।