जाजरकोटमा एसिडको सेवनले एक जनाको मृत्यु

जाजरकोटमा एसिडको सेवनले एक जनाको मृत्यु भएको छ । जाजरकोटको भेरी नगरपालिका – १ पिपे स्थित प्रेम परिवारको गहुँबारीमा सोलारको व्याट्रीमा प्रयोग हुने एसिड सेवन गरी मृत्यु भएको हो ।

मंगलबार विहान १० बजेको समयमा बाँके जिल्ला कोहलपुर घर भएका ३५ वर्षीय हेम राज ढकाल अचेत अवस्थामा फेला परेको सोही वडाका वडा अध्यक्ष दिपक रानाले प्रहरीलाई जानकारी गराएका थिए ।

जिल्ला प्रहरी कार्यालय जाजरकोटका अनुसार घटनाको सुचना पाउना साथ प्रहरी नायव निरिक्षक बिर बहादुर थापाको कमाण्डमा ३ जनाको टोलिले उपचारको लागि जिल्ला अस्पताल जाजरकोट पुर्याएको थियो । उपचारका क्रममा ११:५० समयमा डाक्टरले मृत घोषण गरेको जाजरकोट प्रहरीले बताएको छ ।