मौसमको पुर्वानुमान : कोसी, वाग्मती र गण्डकी प्रदेशका पहाडी भू-भागमा हिमपातको सम्भावना

जल तथा मौसम विज्ञान विभागका अनुसार पश्चिमी वायुको आंशिक प्रभाव रहँदा आज बिहान कोसी, वाग्मती र गण्डकी प्रदेशका पहाडी भू-भागमा आंशिक बदली रहेको छ । बाँकी भू-भागमा मौसम मुख्यतया सफा छ ।

विभागका अनुसार गण्डकी र लुम्बिनी प्रदेशको पहाडी र तराईका भू-भागलगायत बाँकी तराई क्षेत्र तथा उपत्यकाहरूका केही स्थानहरूमा हुस्सु र कुहिरो लागेको छ ।

दिउँसो कोसी, वाग्मती, गण्डकी र कर्णाली प्रदेशका पहाडी भू-भागमा आंशिक बदली रहनेछ । बाँकी भू-भागमा मौसम मुख्यतया सफा रहनेछ ।

कोसी प्रदेशको पहाडी भू-भागका एकदुई स्थानमा हल्का वर्षाको सम्भावना छ ।

विभागले राति पहाडी भू-भागमा आंशिक बदली रहने बताएको छ । बाँकी भू-भागमा मौसम मुख्यतया सफा रहनेछ ।

कोसी र गण्डकी प्रदेशका उच्च पहाडी तथा हिमाली भू-भागका एकदुई स्थानमा हल्का वर्षा र हिमपातको सम्भावना छ ।

वर्षा हिमपात तथा चिसाेका कारण दैनिक जनजीवन, स्वास्थ्य, पर्वताराेहण, हवार्इ यातायात लगाएत दैनिक जनजीवनमा समेत असर पर्न सक्ने देखिएकाले अावश्यक सतर्कता तथा पुर्व तयारी अपनाउन माैसम पुर्वानुमान महाशाखाले सचेत गराएकाे छ ।