जाजरकोटमा जीप दुर्घटना : चालकसहित तीनजना घाइते

जाजरकोटमा जीप दुर्घटना हुँदा चालकसहित तीनजना घाइते भएका छन । बुधबार बेलुका ८:५५ को समयमा जाजरकोटको भेरीनगरपालिका -१० नुवागाँड स्थित मध्य पहाडी लोकमार्गमा काकीगाँडबाट कुदु तर्फ आउदै गरेको प्रदेश ३-०१-०२३ च ४७१९ नम्बरको बोलेरो जिप अनियन्त्रित भइ दुर्घटना भएको हो ।

घाइते हुनेमा गाडी चालक कैलाली घर भइ हाल भेरी नगरपालिका- ७ स्याउली बजारमा मध्येपहाडी लोकमार्गमा काम गर्ने २५ वर्षीय मनोज के. सी, जुम्ला घर भइ हाल सोही वडामा काम गर्ने २३ वर्षीय मिथुन हमाल,  दाँङ्गको घोराही उपमहानगरपालिका – ८ का २३ वर्षीय कमल चौधरी रहेको जिल्ला प्रहरी कार्यालय जाजरकोटले जनाएको छ ।

घटनाको खबर आए पश्चात प्रहरी नायव निरिक्षक दल बहादुर विष्टको  कमाण्डमा ४ जनाको टोलीले घाइतेहरुलाई उद्दार गरी उपचारका लागि जिल्ला अस्पताल पठाएको प्रहरीले जनाएको छ ।
जिप सडकदेखि ७०० तल खसेको र घटनाको थप विवरण आउन बाँकि रहेको  प्रहरीले जनाएकाे छ ।