जाडोमा तातो पानीले नुहाउनु हुन्छ ? यी कुरामा सावधान हुनुहोस्

चिसोले सबैलाई गाँजिरहेका बेला मानिसहरु चिसो पानी छोडेर तातो पानीले नुहाउन सुरु गर्छन् । यदि तपाईं पनि तातो पानीले नुहाउन सुरु गरिसक्नुभएको छ भने थोरै सावधान हुनुहोस् किनभने तातो पानीले नुहाउनु हानिकारक हुनसक्छ ।

छालारोग विशेषज्ञ अपूर्व जैनका अनुसार तातो पानीले नुहाउने बानी छाला र कपाल दुबैका लागि निकै हानिकार हुनसक्छ । त्यसरकारण सधैं मनतातो पानीको प्रयोग गर्नुहोस् ।

तातोपानीले १० मिनेटभन्दा बढि नुहाउनु हुँदैन । यसले छालाको नरमपनमा ह्रास ल्याउँछ । यसले छाला रुखो हुनुका साथै उचित स्याहार नगरे फुट्छ ।

यदि तपाईं तातो पानीले माशंपेशीलाई आराम मिल्छ भन्ने सोच्नुहुन्छ भने तपाईं गलत हुनुहुन्छ । किनभने यसले छालाले निकाल्ने प्राकृतिक तेललाई प्रभावित गर्दछ । यसले पनि छालालाई रुखो बनाउँछ ।

लगातार तातो पानीले नुहाउनुको साटो बिचमा चिसो पानी वा मनतातो पानीले नुहाउनुहोस् । यसले छालालाई नरम बनाइराख्छ । तातोपनीले नुहाउनाले शरिरको अन्तरिक तापमा ह्रास आउँछ । र चिसो वातावरणमा शरिर मिल्न सक्दैन । यस्तो अवस्थामा रुघा, खोकीजस्तो साइड इफेक्टको सामना गर्नुपर्ने हुन्छ ।

बास्नादार साबुनले नुहाउँदा पनि छाला रुखो हुने गर्दछ । यसले चिलाउने र छालाको माथिल्लो भाग रुखो भएर झर्ने जस्तो समस्या हुनसक्छ ।

नुहाएपछि छालालाई नरम बनाइराख्न शरिरलाई तीन मिनेटसम्म मोइस्चुराइजर लगाएर माड्नुहोस् । किनभने छाला रुखो भए त्यसमा ब्याक्टेरिया र एलर्जेन्स एक्टिभ हुने गर्दछ ।

नुहाउन प्रयोग गरिने ‘जाली’ लाई लामो समयसम्म प्रयोग नगुर्नहोस् । यसलाई प्रत्येक तीन महिनामा परिवर्तन गर्नुहोस् । किनभने पुरानो जालीमा ब्याक्टेरिया बढ्नसक्ने भएकाले छालासम्बन्धि समस्या देखिनसक्छ ।

त्ससैले नुहाउने क्रममा  मनताताे पानिकाे प्रयाेग गर्दा स्वास्थ्य राम्राे हुन्छ ।