जाजरकोटमा सडक मर्मतका क्रममा माटोले पुरिएर ३ जना गम्भीर घाइते

जाजरकोटको जुनिचाँदे गाउँपालिकामा सडक मर्मतका क्रममा माटोको ढिस्कोले पुरिएर ३ जना गम्भीर घाइते भएका छन ।
जुनिचाँदे गाउँपालिका – २ देसीपाटा स्थित विश्वखाध्य कार्यक्रम अन्र्तगत सुयडा देखि मजकोट जाने सडक मर्मतका क्रममा शनिबार विहान १० बजेको समयमा काम गर्ने ३ जना मजदुर घाइते भएका हुन ।
घाइते हुनेमा जुनीचाँदे गाउँपालिका- २ का ३२ वर्षीय राम बहादुर वड, सोही वडाका २५ वर्षीय निर्मला शाही, २२ वर्षीय फुलमाया लुहार र ३५ वर्षीय नर बहादुर वड रहेको जिल्ला प्रहरी कार्यालय जाजरकोटले जानकारी दिएको छ ।
प्रहरीका अनुसार माटोको ढिस्कोले पुरिएका घाइतेहरुको उद्दार भइसकेको छ । साथै,  प्रहरी सहायक निरिक्षक खेम खत्रीकाे कमाण्डमा ५ जनाको टोलीले उपचारका लागि जिल्ला अस्पताल जाजरकाेट पुर्याएकाे छ ।  थप विवरण आउँन बाँकि रहेको छ ।