जाजरकोटमा बसले ठक्कर दिंदा एक पैदल यात्रीको मृत्यु

जाजरकोटमा बसले ठक्कर दिंदा एक पैदल यात्रीको मृत्यु भएको छ । जाजरकोटको भेरी नगरपालिका- १ रावतकोट स्थित कर्णाली करिडोरमा यात्रु बाहक बसले ठक्कर दिदा एक पैदल यात्रीको मृत्यु भएको हाे ।

शुक्रबार साझ डोल्पाबाट नेपालगञ्ज तर्फ जादै गरेको भे १ख १३९६ नम्बरको बसले सडकमा हिडिरहेका एक जनालाई ठक्कर दिदा उनी गम्भिर घाइते भएका थिए । जाजरकोट नलगाड नगरपालिका -१  चिउरी बस्ने ३७ वर्षीय सुरेश महरको जिल्ला अस्पतालमा उपचारको क्रममा चिकित्सकले मृत घोषण गरेका जिल्ला प्रहरी कार्यालय जाजरकोटले जनाएको छ ।

प्रहरीका अनुसार प्रहरी निरिक्षक हरि राम डाँगीको कमाण्डमा खटिएको टोलिले गाडी र गाडी चालकलाई नियन्त्रणमा लिएको छ । र अनुसन्धान अगाडी बढाएको छ ।