सिम्ताकाे जामुनेमा मोटरसाइकल दुर्घटना : दुई  जना घाइते

सुर्खेतको सिम्ता गाउँपालिकामा मोटरसाइकल दुर्घटना हुँदा  दुई जना घाइते भएका छन् । बिहीवार सल्ली बजारबाट कालीखोलातर्फ जाँदै गरेको भे ८ प १६०३ नम्बरको मोटरसाइकल सिम्ता गाउँपालिका-६ स्थित जामुने बजारमा आफै अनियन्त्रित भई दुर्घटना भएको हो ।

घाइते हुनेहरुमा सल्यान वनगाड कुपिन्डे नगरपालिका-६ बस्ने वर्ष ३२ का कृष्ण बिक र वर्ष २४ का राम बहादुर विक रहेको जिल्ला प्रहरी कार्यालय सुर्खेतले जनाएको छ ।

घाइते दुवै जनाको अवस्था मध्यम रहेको छ ।
प्रहरीका अनुसार उनीहरुलाई उपचारको लागि नेपालगञ्जतर्फ पठाइएको छ । घटनाको विवरण आउन बाँकि रहेको छ ।