आठविसकोटमा यात्रुसवार बस दुर्घटना, ९ जना घाइते

रुकुम पश्चिममा यात्रुसवार बस दुर्घटना हुँदा चालक सहित ९ जना घाइते भएका छन् ।
शनिबार काठमाडौँबाट रुकुमपश्चिम आठविसकोट नगरपालिका राडीतर्फ आउँदै प्रदेश ३-०१-००५ ख ९९६६ नम्बरको बस आठविसकोटको रिठा नजिकै दुर्घटना भएको हो ।

दुर्घटनामा परी ९ जना घाइते जिल्ला प्रहरी कार्यालय रुकुमपश्चिमले जनाएको छ । बस सडकबाट अन्दाजी एक सय मिटर तल खसेको जिल्ला प्रहरी कार्यालय रुकुम पश्चिमका प्रहरी नायव उपरीक्षक नवराज पोखरेलले जानकारी दिए ।

उनका अनुसार घाइते सबैलाई उद्धार गरी उपचारको लागि नगर अस्पताल राडी लगिएको छ । दुर्घटनामा परि घाइतेहरुको परिचय नखुलेको प्रहरीले जनाएको छ । थप विवरण आउँन बाकि छ ।