मानव तस्करीको आरोप लागेका मन्त्री अधिकारी पक्राउ

सरकारमा चौतर्फी आलोचना बढ्दै गएपछि मानव तस्करीको आरोप लागेका कोशीका आन्तरिक मामिला तथा कानुन मन्त्री लीलाबल्लभ अधिकारी पक्राउ परेका छन् ।

प्रहरीले विराटनगरस्थित निवासबाटै उनलाई आइतबार नियन्त्रणमा लिएको हो । तीन जना युवाहरुलाई १० देखि १३ लाख रुपियाँ रकम अशुलेर जापान पठाएको खुलेपछि सत्ताधारी दल नेकपा एमालेका नेतासमेत रहेका मन्त्री अधिकारीले राजीनामा दिएका थिए ।

साथै यसअघि एमालेले अधिकारीलाई कारबाही र पार्टीबाट निलम्बन गरेको थियो ।
भ्रमणका क्रममा शंकास्पद जस्तो मानेपछि प्रहरीले अधिकारीलाई सोधपुछ प्रक्रिया अगाडी बढाएको थियो ।