- भदौ २३, २०८१
- No Comment
- 142
चट्याङ लागेर बालकको मृत्यु, बालिका घाइते
मोरङको सुनवर्षीमा चट्याङ लागेर आइतबार दिउँसो एक बालकको मृत्यु भएको छ । भने एक बालिका घाइते भएकी छन् ।
सुनवर्षी नगरपालिका-९ मुस्लिम टोलका हमिद आलमका छोरा ११ वर्षीय सोफियन आलम मियाँको मृत्यु भएको हो ।
जिल्ला प्रहरी कार्यालय मोरङका अनुसार चट्याङले राजाबुल आलमकी छोरी ८ वर्षीया नजारा खातुन घाइते भएकी छन् ।
राजाबुलको घरपछाडि रहेको कटहरको रुखमुनि खेलिरहेका बेला दिउँसो २ बजेतिर चट्याङ पर्दा बालबालिका घाइते भएका थिए ।
बेहोस भएका सोफियनलाई उद्धार गरेर रंगेली अस्पताल ल्याइएको थियो । उनको उपचारका क्रममा दिउँसो २ः४५ बजेतिर मृत्यु भएको प्रहरीले जनाएको छ ।
घाइते नजाराको रंगेली अस्पतालमै उपचार भइरहेको छ ।
