• अशोज १, २०८१
  • No Comment
  • 163

आज विश्वकर्मा पूजा एवमं वास्तु दिवस, धुमधामका साथ यो पर्व मनाइँदै

आज असोज १ गत्ते अर्थात आश्विन सङ्क्रान्ति वास्तु दिवस एवं विश्वकर्मा पूजा धुमधामका साथ मनाइँदैछ । प्रत्येक वर्ष आजकै दिन कालीगढहरूले विश्वकर्माको पूजा आराधना गरी वास्तु दिवस एवं विश्वकर्मा पूजा पर्व मनाउने चलन रहँदै आएको छ ।

आज सबै कल-कारखानाहरुमा विश्वकर्माको मूर्ति अथवा तस्विरमा विधिपूर्वक पूजा आराधना गरी यो दिवस मनाउने गरिन्छ । कल-कारखानालाई विशेष रुपमा सजाएर विश्वकर्माको मूर्ति भोलि बुधवार नजिकैको नदीमा लगेर सेलाइन्छ ।

आजको दिन कालीगढले उपयोगमा ल्याउने विभिन्न औजारका सामानमा पूजा आराधना गरेमा धेरै समय टिक्ने, कामका बेलामा नबिग्रने र राम्रो काम गर्न सकिने लगायत गुण प्राप्त हुने धार्मिक विश्वास छ ।

द्वापर युगमा भगवान् कृष्णलाई राक्षसहरुले दुःख दिएपछि विश्वकर्माले समुद्रको बीचमा ‘भेद द्वारका’ बनाइ लुकाएको धार्मिक विश्वास छ । एकै रातमा समुद्रको बीचमा भेद द्वारकाको निर्माण गरेकाले विश्वकर्मालाई सफल वास्तुविद्का रुपमा मानिँदै आएको छ ।

प्राचीन भारत वर्षका चारदिशाका रक्षक देवतामध्ये द्वारकालाई पश्चिम दिशाको रक्षकका रुपमा समेत मानिन्छ । विश्वकर्माले निर्माण गरेको ‘भेद द्वारका’ अहिले पनि भारतको गुजरात राज्यमा समुद्रको बीचमा रहेको विश्वास गरिन्छ । विश्वकर्मालाई वास्तु विद्याका विशिष्ट ज्ञाताका रुपमा मानिन्छ ।

यही सम्झनामा नेपालका कालीगढहरूले आज भव्यरुपमा विश्वकर्मा बाबाको पूजा गरी उहाँको विद्वताको सम्मान गर्छन् । यसो गरेमा आफूमा पनि विश्वकर्माको गुण प्राप्त हुने विश्वास गरिन्छ । यस विश्वासमा आज इञ्जिन जडान भएका यन्त्र सवारी साधनमा समेत पूजा आराधना गरिन्छ ।

वास्तुका शास्त्रका पुस्तकका लेखक एवं अध्येताको सम्झनामा आजको दिनलाई वास्तुविद्हरूले वास्तु दिवसका रुपमा मनाउने गर्छन् । पछिल्लो समय नेपालमा पनि वास्तु विद्याको पुनर्जागरण सुरु भएको छ । चार उपवेदमध्येको एक स्थापत्यवेदमा वास्तु शास्त्रकै विषय उल्लेख गरिएको छ । लुप्त प्रायः भएको स्थापत्य वेदमा आधारित सहर एवं आवास निर्माण गर्नेको सङ्ख्या पनि बढ्न थालेको छ । यसैले गर्दा पनि अहिले वास्तु विद्याको महत्व बढेको छ ।

आजको यस दिनमा आफ्नो फलाम तथा मेसिनरि सामानको पुजाआजा गरी मिठाई खाने र सबै इष्टमित्र बसेर रमाइलो गर्ने प्रचल छ । यो नेपालमा पछिल्लो समय निकै लोकप्रिय बन्दै गएको छ ।

सम्बन्धित खबर

सुर्खेतमा ब्राउनसुगरसहित दुई जना नियन्त्रणमा

सुर्खेतमा ब्राउनसुगरसहित दुई जना नियन्त्रणमा

सुर्खेत । सुर्खेत प्रहरीले लागुऔषधसहित दुई जनालाई नियन्त्रणमा लिएको छ। शनिबार साँझ ७:३० बजे वीरेन्द्रनगर–१२ नेवारेमा लागुऔषध नियन्त्रण शाखा सुर्खेत र…
सुर्खेतमा १.४३० ग्राम ब्राउन सुगरसहित  ४ जना पक्राउ

सुर्खेतमा १.४३० ग्राम ब्राउन सुगरसहित ४ जना पक्राउ

सुर्खेत। सुर्खेत प्रहरीले लागुऔषध ब्राउन सुगरसहित ६ जनालाई पक्राउ गरेको छ। जिल्ला प्रहरी कार्यालय सुर्खेतबाट खटिएको विशेष टोलीले वीरेन्द्रनगर नगरपालिका वडा…
साँठगाँठको षड्यन्त्र

साँठगाँठको षड्यन्त्र

लेखक – निडर चदारा। अँध्यारो कोठामा दुई छायाँ भेटिन्छन्, जनताको सपना चोर्ने नक्सा कोर्छन्। एक छायाले भन्छ — “सत्ता मेरो हातमा…

Leave a Reply

Your email address will not be published. Required fields are marked *